LA UNION – Agtultuloy a dukduktalen ti San Fabian Police Station ti makagapu iti pannakalmes ti maysa nga estudiante ti Far East Maritime Foundation, Inc. iti nasao nga itay laeng parbangon.
Binigbig ti pulisia ti biktima a ni Roger Dacumos, tubo iti Bagulin, La Union.
Maibasar iti inisial a panagsukimat ti pulisia, naamuan a nagiinom idi rabii da Dacumos ken dagiti kaadalanna ngem itay pasado alas-12:00 iti parbangon ket nadlawda nga agrekreklamo daytoy maipanggep iti parikutda iti nobiana.
Pasado alas-6:00 itay agsapa idi nasarakan ti security guard a ni Jestoni Ferrer ti bangkay ni Dacumos a tumtumpaw iti Cayanga river a lima a metro laeng ti kaadayona manipud iti pagadalan.
