Imbilin ni Philippine National Police (PNP) Chief Police General Nicolas Torre III a maipasidong dagiti pulis ti maysa nga espesyal a physical fitness program.
Segun kenni Torre, partikular daitoy para kadagiti mobile force personnel nga addaan ti “broken-hour” shift manipud alas otso ti bigat agingga alas singko ti malem a saan a karaman dagiti frontline patrol personnel. Kinunana a kasapulan a makapasa dagiti amin a pulis iti Physical Fitness Test ken mandatoryo a normal Body Mass Index.
Inyunay-unay na iti Republic Act 9675 wenno ti Department of the Interior and Local Government (DILG) Act a mangibagbaga a ti maysa nga aplikante ti PNP ket rumbeng nga addaan ti timbang a saan a lumagpas wenno kumurang ti lima a kilo kas maibasar ti standard weight a maiyannurot met iti kinadangkaw, tawen, depende pay nu babae wenno lalaki.
Intukon ti hepe ti Martes ken Huebes, manipud alas tres ti malem para kadagiti physical fitness activities. Daitoy a programa ket para ti panagpasa iti mandatoryo a physical fitness test ti kapulisan ken nagballaag isuna kadagiti maipasidong ti test nga rumbeng ket saan da nga agulbod ken insubmitir da iti umiso a resulta.
Sakbayna ket kinuna ni Torre a mabalin nga agtungpal ti diskwalipikasyon ti promosyon wenno panag-avail ti aniaman a schooling ti maysa a pulis agingga saan na a naipaspasa dagiti physical fitness requirements.
