Ti nalabes a panaginum ken pannanagn kadagiti ultra-processed foods ket nainaig iti ad-adu a posibilidad ti nasapa a pagilasinan ti pannakadadael dagiti babassit nga urat ti dara iti utek, sigun iti baro a panagadal ti Canada.
Sinukimat dagiti managsirarak iti aganay 8,800 adults nga agtawen iti 35 agingga iti 69 nga awan ti pakasaritaanda iti sakit ti puso.
Inusarda dagiti MRI scan tapno maammuan dagiti posible a panagbalbaliw ti utek ken nangaramidda met kadagiti panagsukimat iti memoria, atension, ken abilidad nga agpanunot.
Natakuatan ti panagadal a 11 a porsiento kadagiti nagkonsumo dagiti kaaduan nga ultra-processed foods ti nangipakita kadagiti pagilasinan ti pannakadadael ti utek, no idilig iti walo a porsiento kadagiti nababa iti konsumoda.
Nupay awan ti nasarakan a nagdumaan ti resulta dagiti cognitive test, kinuna dagiti eksperto a dagitoy a panagbalbaliw ket mabalin nga agserbi kas nasapa a pakdaar a pagilasinan ti peggad ti stroke, panagbaba ti kognitibo, ken dadduma pay a komplikasion iti masakbayan.
Nupay kasta, saan pay a napaneknekan a direkta a mangdadael iti utek dagitoy a taraon gapu ta naggigiddan laeng a naisayangkat dagiti test kadagiti nakipaset.
