Nagsapata ti Philippine National Policec a strikto da nga itandudo iti maximum tolerance para kadagiti mangisayangkat iti tignay-protesta para ti maikauppat a State of the Nation Address ni Presidente Ferdinand Marcos Junior ita nga aldaw Hulyo 28, 2025.
Segun kenni PNP Chief General Nicolas Torre III, trabaho iti kapulisan a siguraduen ti kinatalged iti am-amin ken raemen iti karbengan para iti nawaya a panagprotesta, pumabor man wenno saan iti administrasyon Marcos.
Kinuna ni Torre a naaddaanen iti dayalogo ti nagbaetan dagiti lider ti makakannigid a grupo ken dagiti opisyales ti PNP nu sadino ket inlatag da dagiti kondisyon kadagiti madi ken saan a maaramid iti panangisayangkat ti protesta.
Sumagmamano kadagiti progresibo a grupo ti mangmangged a mangisayangkat manen iti tignay-protesta ket ti grupo a BAYAN.
Manamnama met iti kadawyan da nga aktibidad kas iti panagriyaw, panag-idda kadagiti kakalsadaan, mangpabasol iti gobierno, ken panag-uram ti effigy ni PBBM.
