Arig na kayat nga ipa-reschedule ni Acting Davao City Mayor Sebastian “Baste” Duterte ti nakatuding a charity boxing match da ni Philippine National Police Chief General Nicolas Torre III a maangay kuma ita nga aldaw ti Dominggo, Hulyo 27.
Daitoy ket kasaruno a pinasingkedan na iti maysa a video message nga adda gamin ar-aramiden kada aldaw ti Dominggo, isu a saan na a maasikaso ti laban
Nupay kasta ket dinakamat na met a mabalin isuna tunggal aldaw ti Martes ken Miyerkules, wenno kadagiti dadduma pay nga aldaw malaksid ti Dominggo.
Innayon na a pumabor daitoy kenni General Torre tapno maaddaan ti heneral iti kanayunan a panawen a panagensayo.
Nangipaay met iti pammagbaga ni Duterte kenni Torre a saysayaaten na iti training agsipud ta arig na palso dagiti danog na ken kasapulan nga ipamaysa ni iti depensa ti rupa.
insert —>>> (5)
Segun pay kenni Mayor Baste, saan na met a talaga a kinarit iti Hepe nu di ket kinunana laeng a nu agdinnanog da ket mabugbog na a talaga ni General Torre.
insert —>>> (4)
