Inaklon ni San Fernando City Mayor Herminegildo Dong Gualberto a ngimmato ti kaso ti Covid 19 iti syudad kalpasan iti tallo nga lawas.
Iti pannakiuman ti Bombo Radyo La Union kenni Mayor Dong Gualberto impanamnama na nga adda dagiti nakasagana a wagas nga ar-aramiden iti gobierno syudad mainaeg iti daytoy.
Innayon na a ti kellaat nga panagngato ti kaso ti Covid 19 ket manipud iti trabaho a mabalin nga maiyakar iti uneg ti pagtaengan.
Malaksid iti daytoy, nanayunan met iti kaso iti dadduma a men in uniform, health workers ken Mainaeg iti daytoy, ken dagiti dadduma nga ahensya ti gobierno.
Pinatalgedan ni Mayor Dong nga awan pay iti nailista a kaso ti Delta Variant ditoy probinsya.
Nasurok metten kuna na a 300 iti maipaspasidong ti testing ken mapapartak payen iti vaccination rollout.
Addan ti narurok 15,000 iti nakaawaten iti Covid 19 vaccine wenno 40% iti populasyon ti syudad.
Gapu ti daytoy, papigsaenda ti isolation capability ditoy syudad.
Kanayon na nga ibagbaga kadagiti amin nga tattao ti syudad a narigat nga makaptan ti deadly virus isu nga impsigurado na kadagiti Covid 19 patients a mapangnamnamaanda ti gobierno syudad no sadino maipasigurado nga amin nga kasapolan dagitoy ket maipaayan kadakuada.
Kagiddan iti daytoy, agtultuloy iti panangmonitorda kadagiti covid positive addadaman iti pagagasan, isolation facilities wenno home quarantine.
Iti agdama, nakaipasidong ti GCQ with hightened restriction iti lima a purok iti syudad nga pakaibilangan iti Barangay Pagdaraoan, Barangay Dalumpinas Oeste, Barangay Cabarsican, Barangay Bato ken Barangay Poro.
Gapu ti daytoy, maipalubos ti 20% iti dine in; 50% al fresco; ken 100% iti delivery.
Dagiti barber shop, ken parlors 30% operational; kadagiti lamay 30% capacity; religous activity, 30% seating capacity; ken 50% capacity iti transportation
Gagem iti pannakaipasidong ti GCQ with hightened restriction ket tapno malapdan iti panagwaras iti virus.
