LA UNION – Impaayan ni San Fernando City Mayor Dong Gualberto iti nasapa nga aginaldo dagiti dua a centenarian ditoy syudad.
Mismo a ni Mayor Dong iti bimmisita ken nangiyawat ti cash gift nga agbalor ti P100-k a napakuyogan ti felicitation letter para kadagiti dua a lola a benepisaryo.
Dagiti dua a centenarian ket isuda: Lola Belen Ayson manipud Brgy. Dalumpinas Oeste a nangrambak ti maika-100 a tawen na idi pay Enero 23 ken Lola Petra Pulido ti Brgy. Pagdaraoan a nangrambak ti maika-100 a tawen na idi Pebrero 12 agdama a tawen.
Kagiddan iti panagbisita ti mayor iti pagtaengan dagiti benificiaries ket iti nairut a pannakasurot dagiti health ken safety protocols kontra COVID 19.
Impaganetget ti Mayor a ti kontribusyon dagiti nataengan ket maipangpangruna ditoy syudad ti San Fernando, La Union.
