LA UNION – Nagpalawag babaen iti Bombo Radyo La Union ni MAYORAL CANDIDATE VICTOR MARRON seknan iti nakairamanan na a kaso ti pammaltog itay kallabes idiay Luna, La Union.
Segun kenni Marron, awan kina-agpaysu na iti nasao nga akusasyon ket pattien na a ‘politically motivated’ daytoy ken wagas dagiti kalaban tapno dadaelen iti imahen na nangruna ket panawen iti eleksiyon.
Inlawlawag na pay a saan nga inaresto dagiti otoridad, ngem ketdi, boluntaryo a simmuko idiay Balaoan Police Station ken saan a naibalud agsipudta dagus a nagbayad ti piyansa.
Kabayatanna, immapela ti mayoral candidate kadagiti umili idiay Luna nga agturong kadagiti polling precincts inton Lunes, Mayo 9, tapno agbotos iti maiparbeng nga agtugaw iti ili ket namnamaen nga agbalin a naurnos ken patas iti maiganwat nga eleksiyon.
