Kiniddaw ti Mayors for Good Governance kenni House Speaker Faustino “Bojie” Dy III no mabalinda a luktan iti rekord ti National Expenditure Program ken ti General Appropriations Act para iti 2023 agingga 2025.
Nakailanad iti surat a kayatda a maammuan iti rekord dagiti nadumaduma a proyekto kas iti imprastruktura, social services ken dagiti dadduma pay a proyekto.
Panggep ti surat a napetsaan ti Oktubre 2 a makita no iti pondo ket nailatang iti umno a proyekto.
Sumagmamano kadagiti nagpirma ket isuda Baguio Mayor Benjamin Magalong, Pasig Mayor Vico Sotto, Siudad ti Quezon Mayor Joy Belmonte, ken Isabela City Mayor Sitti Hataman.
