BR LA UNION – Sinukimat dagiti otoridad ti maysa a balay idiay Balaoan, La Union itay kallabes nga aldaw babaen ti search warrant nga impaulog ni Judge Marita Bernales Balloguing ti First Judicial Region, Branch 34, Balaoan La Union gaputi maipagarop a panaglabsing iti Republic Act 10591 wenno Comprehensive Firearms and Ammunition Regulation Act.
Iti search warrant ket naiturong iti managan Jardy Camat, agtawen ti 34, awanan asawa, maysa a mannalon ken residente Brgy. Pagleddegan, Balaoan, La Union.
Maibasar iti inisyal nga imbestigasyon, nakumpiskar dagiti otoridad iti 6 a pidaso ti live ammunitions iti caliber 45.
Naaramid iti dokumentasyon ken inventory iti lugar a nakaisayangkatan ti operasyon babaen ti presensya iti suspek ken dagiti barangay officials ken nairecord daytoy usar ti body worn camera ken alternative recording device.
Kabayatanna, iti suspek ket naiturong idiay Balaoan District Hospital, Balaoan La Union para iti medical examination, kalpasanna, naiturong iti Balaoan Police Station para iti umno a disposisyon.
