Nagrespode dagiti kameng ti Agoo Municipal Police Station ti agarop alas-8:30 ti bigat idi aldaw ti Mierkules, Hulyo 30 para iti report ti maysa a bangkay idiay hallway ti Agoo Hypermarket sadiay Barangay San Nicolas Norte, Agoo, La Union.
Agparparang iti imbestigasyon nga agarop alas-nuebe ti rabii ket nagturong iti biktima iti lugar nga addaan iti impluwesya ti nasanger. Nabigbig isuna a ni Angelito Lachica Nardo, 54-anyos, addaan asawa, maysa nga helper, ken residente ti Barangay San Nicolas West iti kapada metlaeng nga ili.
Naturog daitoy iti nadakamat nga establishimento ken agarop-alas sais ti bigat ket nakita ti pada na nga helper a nangpadas pay a nangriing kenkuana ngem awan metten iti senyales a daitoy ket agang-anges pay.
Impadamag ti Helper iti insidente idiay Agoo Hypermarket Office a nangipadanon met iti Municipal Disaster Risk Reduction and Management Office Agoo Rescue, ken alas-8:30 ti bigat ti kapada nga aldaw ket indeklara metlaeng ti attending physician na a natayen ni Mr. Angelito.
Kabayatanna, awan met iti nakita dagiti otoridad a foul play wenno mapagduduaan iti kaso.
