SANTO TOMAS, LA UNION – Naarestar iti maysa a Wanted Person, idi Abril 8, 2026, agarop ala-1:40 ti malem, idiay Brgy. Casantaan, Santo Tomas, La Union, babaen ti Manhunt Charlie Operation nga insayangkat ti Balaoan Municipal Police Station (MPS), San Tomas MPS, Bangar MPS, kabinnulig iti naduma-duma a lead unit ti Philippine National Police (PNP).
Nabigbig iti suspek a maysa a lalaki, 22-anyos, awanan asawa, maysa a construction worker, ken residente ti nadakamat a Barangay.
Nakemmeg daytoy babaen iti bileg ti warrant of arrest nga impaulog ni Hon. Marita Bernales Balloguing, Executive Judge ti Regional Trial Court, First Judicial Region, Branch 34, idiay Balaoan, La Union a napetsaan ti Abril 8, 2026, gapu iti kaso a Qualified Theft a nairehistro iti Criminal Case No. 5295 nga addaan bail bond a ₱60,000.
Nairekord iti operasion babaen ti Alternative Recording Device (ARD). Kalpasan ti pannakatiliwna, naiturong daytoy iti Balaoan District Hospital idiay Balaoan, La Union para iti medical examination, ken naipaima iti Balaoan MPS para iti umno a dokumentasion ken disposision. (Report by Bombo Jordan)
