LA UNION – Naidataganen iti kaso a panaglabsing iti Comprehensive Dangerous Drugs Act of 2002 (Republic Act No. 9165) iti maysa a dayo a maipagarop a drug pusher.
Nabigbig daytoy iti nagan a Marlon Biala, 34-anyos, residente ti No. 25 Lower Pinget, Baguio City.
Maipalagip nga idi Martes, Pebrero 23 ket nangisayangkat dagiti otoridad iti anti illegal drug operation iti Barangay Pagdalagan Norte, San Fernando City, La Union a nakaarestar iti nadakamat a suspek.
Nagresulta daytoy iti pannaka-kumpiskar manipud ikot ti suspek iti maysa a heat sealed transparent sachet iti maatap a shabu, agdagsen ti 3 a gramo, mapatta-patta nga agbalor ti P20,400 pakairamanan ti maysa a genuine P500 bill a nagserbi kas buy bust money, 9 a pidaso ti peke a P1000 bill, maysa a cellphone, ken maysa a behikulo.
Iti suspek ket nakabalud ita iti San Fdo. City Police Station tapno sangwen ti asunto daytoy.
