LA UNION – Balligi ti pannakaiwayat ti search warrant operation kontra ti maysa a meat vendor, ken maibilang a high-value target drug personality idiay Bacnotan, La Union.
Nabigbig ti suspek a ni Godofredo Majadas Murao Jr, agnanaed ti nasao a lugar.
Nakumpiskar manipud kenkuana ti duapulo ket dua a piraso ti heat-sealed transparent plastic sachet a naglaun ti mapapati a shabu, nga agdagsen ti nasurok kumurang a sangapulo a gramo, ken aggatad ti P68,000; sangapulo ket maysa a piraso ti heat-sealed transparent plastic sachet a naglaun ti mapapati a napagango a bulong ti marijuana ken fruiting tops nga agdagsen ti nasurok-kumurang a lima a gramo nga aggatad ti P600; brown paper bag; dua a bundle ti transparent plastic sachet; dua a piraso ti improvised tooter; dua a piraso ti improvised sealer, ken digital a weighing scale.
Panaglabsing ti RA 9165 wenno Comprehensive Dangerous Drugs Act of 2002 iti sangwen ti suspek, ken iti agdaman ket nakaibalud isunan iti detention facility iti Camp Diego Silang, Carlatan, San Fernando City.
