Pimmusay iti maysa a lalaki kalpasan a madungpar ti eroplano idiay Denver International Airport.
Segun kadagiti otoridad, kellaat a limmasat iti runway iti lalaki bayat a dumaldalan ti Frontier Airlines Airbus A321 nga agturong kuma idiay Los Angeles.
Adda ti sakay iti eroplano a 224 a pasahero ken pito a crew members.
Gapu iti insidente, naitantan iti biyahe ken naiyakar iti dadduma nga eroplano dagiti pasahero.
Naaddaan met ti uram iti paset ti cabin ngem dagos a sinebseban dagiti rimmusponde a bumbero.
Mapapati nga empleyado ti airport iti pimmusay a biktima.###
