LA UNION – Nangisayangkat ti manhunt charlie operation dagiti kameng ti Rosario Municipal Police Station idiay Barangay Udiao, Rosario, La Union idi kallabes nga aldaw, agarop alas-8:30 ti bigat.
Nabigbig ti suspek a maysa nga lalaki, “alias Rosendo”, 71 anyos, addaan asawa, maysa a businessman, ken residente ti Barangay Camp 1 iti kapada nga ili.
Naarestar daytoy babaen ti impaulog a warrant of arrest ni Hon. Reden Balmores Pulmano, presiding judge, First judicial region, municipal trial court ti Calasiao, Pangasinan gapo iti kaso a Violation of Section 266 of the tax code wenno Failure to Obey Summons nga addaan ti P12,000 bail bond.
Nairecord iti operasyon babaen ti body worn camera ken alternative recording device.
Kabayatanna, naiturnong iti suspek idiay Rosario District Hospital para iti medical examination sakbay a naipaima ti Rosario Municipal Police Station para iti umno a dokumentasyon ken disposisyon.//Report by Bombo Ericka Quinzon
