Maysa a pawikan ti nasarakan idiay Darigayos Luna, La Union idi kalman, Hulyo 24, 2023
Daytoy ket nasarakaan ti maysa a mangngalap a Antonio Canaoay, bayat ti panagkalapna idiay kabaybayan ti Darigayos, Luna, La Union.
Segun kenkuana, nadlawna nga adda ti maysa a pawikan wenno green sea turtle nga agatiddag ti 61 a sentimetro ken kaakaba 56 a sentimero.
Ti nasao a pawikan ket naiputipot ti maysa a fish net.
Kabayatanna, kalpasan a palubusan ni Antonio ti pawikan manipud iti fish net, dagus na daytoy nga impakaammo ti Municipality of Luna Mayor’s Office ken ti Coast Guard Sub Station ti Luna.
Dakkel met ti panagyaman dagiti owtoridad manipud Luna, La Union iti daras a pannakikoordinarda kadakuada ti nasao a pasamak.
Ita, addan iti nasayaat a kasasaad ti nasao a pawikan.
Napanagan daytoy ti Johnny Depp sakbay a napalubusan ti kabaybayan iti nasao a pawikan.
