Kaam-ames iti napasamak ti maysa a mannursuro kalpasan a pinaltugan mismo ti bukod na nga estudyante iti campus ti Balabagan Trade School idiay Barangay Narra, Balabagan, Lanao del Sur.
Segun kadagiti otoridad, nagramot iti pammaltog iti biktima a ni Danilo Barba, 34-anyos, kalpasan nga inbagsak na iti maysa a subject ni alyas Kaizer, 20-anyos, maysa a Grade 11 student.
Kenuna ti Balabagan Municipal Police Station, nagpudno mismo iti suspek iti krimen nga inaramid na gapo iti nakaro a rurod na iti teacher a nangibagsak kenkuana.
Maibasar iti imbestigasyon, napasamak iti insidente pasado alas-8:00 ti bigat idi Agosto 4, agdama a tawen.
Sumrek kuman iti campus ni Barba idi hinarang isuna ti suspek ken pinaltogan iti ulona babaen iti maysa a caliber .45 pistol, a rason metten ti dagos a panakatay na.
Kalpasan iti krimen, naglemmeng iti suspek kadagiti kabagyan na idiay Marogong, ngem babaen iti tulong ti kabsat na a pulis ket boluntaryo daytoy a simuko kadagiti otoridad kinabigatanna.
Kabayatanna, maibagbaga a saan laeng nga iti biktima a mannursuro iti nangibagsak iti suspek ken adda pay dagiti dadduma a teachers a posible nga agbalin a target, ngem inlawlawag ti suspek a ni Barba kano laeng iti karurod na.
Iti agdama, addan dagiti naideploy a pulis ken suldado tapno tumulong iti panagbantay iti nasao nga eskwelaan.#
