LA UNION -Kaso a defamation ken pannakibiang iti pribado a biag wenno invasion of privacy iti indatag idiay Estados Unidos ni Philippine Charity Sweepstakes Office (PCSO) General Manager Mel Robles kontra iti vlogger a ni Claire Contreras, wenno nalatak iti awag kenkuana a Maharlika.
Iti press conference, kinuna ni GM Robles a daytoy ket tapno magun-od ti hustisiya ken masalakniban ti nagan ti pamilyada.
Kinuna pay ni GM Robles a nakaru ti pannaka-apektar iti panagbiag ken seguridad iti pamilya na manipud iti dandani inaldaw kunana a pammadakes, panang-harass ken panangiwaras ti kina-ulbod ni Maharlika babaen ti vlog-na.
Maipagarop nga ak-akusaran ni Maharlika ni Robles a nagtakaw ti kuwarta ti ili, mastermind iti gandat a pammapatay kenkuana ken panang-suporta iti terorista.
Impaganetget ni GM Robles a nakaru a personal a panang-atake kenkuana iti nasao a vlogger ken saan payen a konektado iti trabaho na ti dadduma nga akusasyon daytoy, banag a mangipaay ti peligro iti pamilya na.
Siniguro na nga agsungbat iti linteg ni Maharlika wenno Claire Contreras nangruna ket awan ti basaran dagiti alegasyon kenkuana.
Iti kaso a defamation ken invasion of privacy kontra kenni Maharlika ket indatag ni GM Robles idi July 15, 2024 idiay Court of California ken kiniddaw na nga ipasidong ni Maharlika iti trial by the jury.
