LA UNION – Natiliw iti maysa a water deliver boy idi Agosto 17 idiay Barangay Catbangen, siyudad ti San Fernando babaen iti naisayangkat a buy-bust operation nga indauluan ti San Fernando Police Station ken dagiti nadumaduma a law enforcement agencies.
Nabigbig iti suspek a maysa nga street-level individual nga agtawen ti baente tres, awanan asawa, ken residente ti Barangay San Francisco.
Maibasar iti police report, nakumpiskar kenkuana iti agarop 0.5 a gramo ti mapapati a shabu a naikabil iti heat-sealed plastic sachet ken agbalor ti tallo ribo uppat a gasut a pesos, pakairamanan ti marked buy-bust money, ken nadumaduma a drug paraphernalia.
Kalpasan ti panakatiliw ti suspek ket naipasidong daytoy iti medico-legal nga eksaminasyon ti City Health and Wellness Center sakbay a naiturong iti City of San Fernando Police Station para iti dokumentasion ken panakaipila ti kaso.
