LA UNION – Naarestar iti maysa a drug surrenderee kalpasan a makumpiskaran ti iligal a droga partikular ti shabu iti mismo a pagtaengan na idiay Barangay Tanqui, San Fernando City.
Nabigbig ti suspek iti nagan a Raymundo Morales, 47, drug surrenderee, tricycle driver.
Naarestar daytoy kalpasan a sinukimat dagiti otoridad iti pagtaengan ni Morales, babaen iti bileg ti search warrant nga impaulog ni Judge Imelda Cosalan ti MTCC Branch 1, SFC.
Nakumpiskar dagiti otoridad iti nasao a search operation iti maysa a pidaso ti aluminum foil ken plastic sachet iti maipagarop a shabu.
Kabayatanna, nainget met a pinaglibakan ti suspek iti maiyak-akusar kenkuana a drug pusher daytoy.
Kaso a panaglabsing iti R.A. 9165 ti sangsangwen ita nga asunto ti nadakamat a suspek.
