BR LA UNION – Natiliw ti maysa a newly identified street level individual iti naisayangkat a drug buy bust operation idiay Brgy Calungbuyan, Balaoan, La Union.
Iti suspek ket maysa a 18-anyos nga estudiyante, ken residente ti Brgy. Butubut Sur, Balaoan, La Union.
Nakumpiskar dagiti otoridad manipud iti suspek ti tallo a heat sealed transparent plastic sachet a naglaon iti maatap a marijuana, ken tallo pay a transparent plastic sachet a nakaikabil ti zip lock ken maipagarop a naglaun met laeng ti dried marijuana a mapapati a nailako iti nagpammarang a pouser buyer.
Mapatta-patta a nasurok kumurang 22 grams iti kadagsen ti iligal a droga a nakumpiskar iti suspek ket mapatta-patta nga aggatad ti 2,640 pesos.
Naala pay manipud iti suspek dagiti non-drug evidence; 5 a pidaso ti one hundred peso bill a nagserbi a buy bust money; maysa a five hundred peso bill; 2 a one thousand peso bill a nagserbi a boodle money, maysa a cellular phone, ken lighter nga agmaris ti nangisit.
Naiturong ti suspek idiay Balaoan District Hospital para ti medical examination sakbay a naipasidong iti kustodiya ti Balaoan Police Station para ti umiso a disposisyon.
Sumangsango ti suspek ti kaso a panaglabsing ti Section 5 ken 11 ti Republic Act 9165.
