Maysa green sea turtle ti naisalakan dagiti mangngalap idiay Barangay Darigayos, Luna, La Union Idi kalman Hulyo 14,2023.
Dagiti mangalap ket isuda Antonio Canaoay, Rommel Jovillanos, Smarlo Narceda, ken Dexter Casem.
Iti nasao a green sea turtle ket naipulipol ti maysa a fishnet.
Bayat ti panangrukod ti biologist nga isuda Karlo ken Harry manipud CURMA, naduktalan nga agatiddog ti nasao a green sea turtle ti 50 a sentimetro ken kaakaba a 40 a sentimetro.
Kalpasan daytoy, natalged met laeng a naisubli ti nasao a sea turtle iti baybay ita nga aldaw, Hulyo 15 babaen iti mangngalap a ni Antonio Canaoay, Luna La Union Mayor Gary N. Pinzon, Philippine Coast Guard, ken dagiti Brgy. Kagawads ti Darigayos, Luna, La Union.
