LA UNION – Epektibo idi kalman, May 24, 2020 ket naikkaten iti Enhanced Community Quarantine (ECQ) a naiyemplementar idiay Barangay Cadapli, Bangar, La Union.
Nakailanad daytoy iti EO No. 070-2020 a pirmado ni Mayor Joy Pinzon Merin ti Bangar.
Daytoy ket kalpasan nga immunan a kinumpirma ti Provincial Health Office (PHO), nga immimbag ken natalgeden manipud COVID 19 iti 65-anyos a lolo manipud Brgy. Cadapli, kalpasan a negative iti resulta ti maikadwa a test daytoy idiay Baguio General Hospital (BGH) a nairuar idi Biyernes, May 22.
Gaputi dayta, kinuna ti PHO, maysa laengen ti aktibo a COVID case ditoy La Union.
Gaputi met iti nagsasaruno a recoveries, pakabuklan itan a 16 dagiti naka-recover iti nasao a sakit ditoy La Union wenno 26 iti intero a Region 1.
Agtaltalinaed a 63 iti covid confirmed cases bayat a 12 dagiti natay iti nasao a sakit iti Ilocos Region.
