SAN JUAN – Naarestar ti maysa nga High Value Individual (HVI) agarup alas-8:50 agingga 9:55 idi rabii ti Abril 24, 2026, idiay Barangay Nadsaag, San Juan, La Union.
Nabigbig iti suspek nga agtawen ti 27, single, awanan asawa, ken residente ti Barangay Santo Rosario, iti isu met laeng nga ili.
Natiliw daytoy babaen ti Buy-Bust Operation nga insayangkat ti San Juan Police Station, kadua ti La Union Provincial Intelligence Unit (LUPIU), La Union Provincial Drug Enforcement Unit (LUPDEU), Regional Intelligence Division Police Regional Office 1 (RIDPRO1), Regional Intelligence Unit 1 (RIU 1) ken Philippine Drug Enforcement Agency (PDEA).
Narekobre kenkuana ti drug evidence a nasurok kumurang maysa (1) gramo ti mapapati a Shabu nga addaan ti Standard Drug Price (SDP) a ₱6,800 a nakaikabil iti tallo a pidaso ti heat-sealed transparent plastic sachet nga addaan ti marka a RPG-1-1-042426, RPG-2-042426 (sold), ken RPG-3-042426 (Possession).
Bayat a dagiti non-drug evidence ket pakairaman ti maysa (1) a pidaso ti One Thousand Peso Bill ken One Thousand Peso Bill boodle money, HONDA TMX motorized tricycle (Black), ken maysa (1) a pidaso ti paper tissue a naaramat kas wrapper iti nailako nga item (RPG-2-042426).
Iti agdama, nakadetine ti suspek idiay San Juan Municipal Police Station.###
