Imbutaktak ni Caloocan Representative Edgar Erice a plano ti maysa a miembro ti Independent Commission for Infrastructure (ICI) nga agikkat gapo iti kinakurang wenno limitado a bileg ti Komision.
Segun kenni Erice, personal a nakasaritana ti nasao nga ICI member ken maipagarop a maaw-awanan daytoyen ti namnama.
Kas sungbat ket inallukoy na iti Kongreso a mangipasa ti singasing-linteg a mangipapaay ti contempt powers iti ICI.
Iti agdama, awan pay ti sungbat iti Malakanyang mainaig iti waragawag ni Erice.###
