LA UNION – Maysa iti ili a San Gabriel kadagiti lima a local government unit (LGU) iti intero a pagilian iti napili kas Champion for Health Governance.
Daytoy ti sipapannakkel nga impadamag iti Bombo Radyo La Union ni Mayor Herminigildo Velasco ti nadakamat nga ili.
Naamwan a manipud iti pakabuklan nga 60 LGUs a naglalaban para iti nasao a pammadayaw, lima iti nangabak a pakabilangan ti Plaridel, Bulacan; Salcedo, Eastern Samar; San Felipe, Zambales; Tacurong City, Sultan Kudarat; ken San Gabriel, La Union.
Maysa kadagiti kangrunaan a naikonsidera iti pannakapili dagiti nasao a lokal a gobyerno ket iti napintas ken epektibo a programa pangsalun-at para kadagiti umili, nangruna dagiti nakurapay a residente.
Ni Mayor Velasco ket maysa a doctor by profession.
