Pinasingkedan ni Governor Nelson Dayanghirang a maysa nga indibidual iti pimmusay gapo iti kinapigsa ti gingined a dimayyeg ita nga aldaw, Oktubre 10 idiay Davao Oriental.
Segun ti Gobernador, iti naipadamag a biktima ket manipud idiay Mati City. Natupakan daytoy ti nagreggaay a paset ti balayna.
Inreport met ti local offical a nadadael dagiti sumagmamano nga istraktura iti probinsya.
Agtultuloy met iti maisaysayangkat nga assessment dagiti otoridad iti sitwasion kasaruno ti napigsa a gingined.
Immunan a nag-isyu iti Gobernador para iti kanselasyon dagiti klase kadagiti pagadalan ken serrek ti trabaho.
Temporario met a napawilan dagiti residente a sumrek kadagiti sumagmamano a pasilidad para iti kinatalged.
Kagiti imbinglay na a ladawan iti social media account na, makita dagiti landslides, natumba a kayo, kable ken poste ti kuryente kadagiti kalsada, partikular idiay Manay nga episentro ti gingined.###
