Inwaragawag ti Cosmoship Management a maisa kadagiti lima a mapapati a pimmusay iti insidente ti panagraut dagiti rebelde nga Houthi rebels iti cargo vessel nga Eternity C idiay Red Sea iti kumpirmado a natayen.
Segun iti report, uppat iti mapapati a natay bayat a sangapulo a tripulante a Pilipino ti agtultuloy a mapukpukaw kalpasan ti nagsasaruno a panagbomba ti rebelde a grupo a nangrugi idi pay aldaw ti Lunes.
Sangagulo kadagiti 21 a tripulante ti naisalakan bayat nga agtultuloy met a mabirbirok dagiti mapukpukaw. Ad-adalen pay ti kompanya ti impadamag dagiti Houthi nga adda dagiti sumagmamano a tripulante a naisalakan da mismo kalpasan a limned iti barko idi Mierkules.
Iti agdama ket agtultuloy latta ti search and rescue operations iti kompanya ken nagpanawagan da kadagiti dadduma pay a barko a tumulong met iti panagbirok.
