LA UNION – Natay iti lalaki a nagmaneho ti traysikel kalpasan a nakidinnungpar iti kasinnabat na nga L300 van, iti kawatiwatan ti national highway partikular iti rangtay idiay Barangay Poblacion, Aringay, La Union.
Napasamak ti aksidente agarop alas 6:30 idi rabii.
Maibasar iti nakalap nga impormasyon ti Bombo Radyo La Union manipud Aringay Police, natay iti biktima a ni Roel Yaranon, 38-anyos, residente ti nasao met laeng a lugar, kabayatan a matamtaming iti ospital.
Kabayatanna, iti L300 white van, addaan ti PN IAB 1830 ket minaneho iti managan Rodolfo Solomon ,38-anyos, ken residente ti Brgy. Asan Norte Sison, Pangasinan.
Maibasar iti report, kellaat a na-lost control ti biktima iti man-manehuen na a traysikel, nagtayyek ket naidungpar iti kasinnabat na a van.
Gaputi kapigsa ti impact ti aksidente, urayla naisina ti motorsiklo manipud iti sidecar ken naipurwak ni Yaranon, a nagsagabaan na iti nakaru a pannakadun-dunor iti bagi.
Natay ti biktima idiay La Union Medical Center idiay Agoo, La Union.
