LA UNION – Nagbalin nga epektibo iti 14-days a panangipatungpal iti modified enhanced community quarantine (MECQ) gapu ti panagbaba iti nailista a bilang dagiti baro a COVID-19 cases iti syudad ti San Fernando, La Union.
Daytoy iti kinuna ni Acting City Mayor Alf Ortega.
Sigun kenni Ortega, base iti kaudian a listaan idi kalman ket walo laeng iti baro a kaso ti COVID-19 iti nai-record ti syudad, kabayatan a 50 met dagiti recoveries.
Inlawlawag ti acting city mayor a ti panangipasidong iti MECQ ti syudad kadagiti napalabas a lawas ket gapu iti kiddaw ti City-IATF gapu iti kinaadu dagiti nakaptan ti nasao a sakit.
Kagiddan ti MECQ, impaay pay iti lokal a gobyerno ti San Fernando iti ayuda kadagiti umili kabayatan a napairutan iti panagtignay dagiti tattao tapno malapadan ti panagiinnakar ti nasao a sakit.
Kabayatanna, nagpalagip met ni Ortega kadagiti umili a no pay adda iti sidong ti mas naluklukay a paggannurutan kontra COVID-19 wenno general community quarantine (GCQ) iti sibubukel a syudad ket kasapulan iti kooperasyon tapno saan nga agawaras ti nadakamat a sakit.
