LA UNION – Pormal a maluktan ita nga aldaw ti Martes, June 22, iti kaunaan a Mega Vaccination Site ditoy probinsiya ti La Union,
Iti mega vaccination site ket masarakan iti Father Burgos Gym ti Saint Louis College ditoy syudad ti San Fernando.
Daytoy ti kadackelan ken maika-22 a vaccination site iti intero a probinsiya.
Tarigagay ti Provincial Government of La Union nga idaulwan ni Gov. Pacoy Ortega, a mapapartak iti vaccine rollout iti CoViD-19 vaccines para kadagiti umili, kangrunaan na dagiti karaman iti Priority Groups, manipud A1 agingga A4.
Target ti PGLU a mabakunaan iti 150 nga indibiduwal kada oras tapno naparpartak a magun-od iti herd immunity a mangipaay ti proteksiyon iti komunidad kontra CoViD-19.
Al-allokoyen ti PGLU ken iti Vaccination Task Force dagiti umili nga agpabakuna tapno maisubli iti ganaygay ken nadur-as nga ekonomiya ditoy probinsiya.
Nu karaman iti Priority Groups A1 agingga A4, agparehistro iti www.vaccines.launion.gov.ph tapno maipaayan ti libre a bakuna kontra COVID 19.
