BR LA UNION – Napagtalinaed ni Melvin Jerusalem ti titulo a WBC minimumweight kalpasan nga inabak na ni South African challenger Siyakholwa Kuse.
Nagun-od ni Jerusalem iti unanimous decision ken amin a judges ket pimmabor kenkuana kalpasan ti 12 round a laban.
Saan a nagpa-atiw ti 31-anyos a ni Jerusalem iti kapaspas ti mas ubing a boksingero ngem ketdi naki-giniddan.
Addaan ti record ni Jerusalem a 25 panangabak, tallo nga abak, ken 12 knockouts bayat a ni Kuse ket addaan ti siyam a panangabak, dua a pannaka-abak, maysa a draw ken uppat a knockouts.
