LA UNION – Siam nga aldaw sakbay ti 60 day deadline ti road clearing operation impaganetget ti Department of interior and Local Government nga ti Memorandum Circular 121-2019 ket para iti pannakaikkat kadagiti road obstructions ken saan nga para iti road widening.
Segun kenni DILG Secretary Eduardo Año, nakaawatda ti report manipud iti probinsya ti La Union, Northern Samar ken dadduma pay nga paset ti pagilian a ti Memorandum Circular 121-2019 ket us-usaren dagiti contractors ti Department of Public Works & Highways ken dadduma pay a Local Government Units tapno pukanen dagiti century old trees, ribbaen dagiti waiting sheds a saan nga lapped iti iskinita, pannakaribba kadagiti istruktura dagiti pampribado a lote nga awan iti pakaamo ngem ketdi compensasyon laeng.
Inlawlawag ni Secretary Año a ti MC 121-2019 ket saan nga usaren tapno ikalintegan ti road widening projects gaputa sakop daytoy ti sabali a pagannurotan.
Al-allukoyen ita ti DILG Sec. dagiti amin a local a gobierno ken DPWH District Engineers nga pakaamuan iti nadumaduma a contractors daytoy tapno ipakaawat iti Memorandum Circular 12.
Segun pay kenni Sec. Año, nangbukeldan ti validation teams tapno siguraduen nga ipatpatungpal dagiti LGU’s ti nasao nga pammilin.
Tarigagay ti nasao a pammilin nga isubli iti publiko ti parapubliko a kalsada ken saan nga para iti pampribado nga addang.
