LA UNION – Nagsagaba ti pannakadun-dunor iti dua nga indibiduwal kalpasan a nagdinnungpar iti maysa a traysikel ken motorsiklo idiay Barangay Cabaroan ditoy syudad ti San Fernando idi rabii ti Lunes, Agosto 12.
Dagiti biktima ket pakaibilangan ni Jun Palabay, 16-anyos, nagmaneho ti motorsiklo, residente ti Barangay San Felipe, San Juan ken iti backride na a ni April Jhulleane Inog, 17, residente ti Barangay Disso-or, Bauang, La Union.
Bayat a ti traysikel ket minaneho ni Rosauro Tamoy, 50, addaan asawa, residente ti Barangay San Francisco ditoy syudad.
Base iti report, ag u-turn koma iti tricycle driver ngem kabayatan ti proseso, maipagarop a dimmungpar kenkuana ti motorsiklo kalpasan a maipagarop a nakagamgam ti linya ni Tamoy.
Kas resulta, nagsagaba ti pannakadun-dunor iti bagi dagiti menor de edad a nagkalubbon iti motorsiklo ket naiturong ken nataming dagitoy iti ITRMC ditoy syudad ti San Fernando.
Kabayatanna, segun kenni Pol. Cpl. Drancisco Baobaoen Jr. police investigator iti San Fernando City Police Station, maipagarop a nakainom ti nasanger iti motorcycle driver ken awanan daytoy ti ikot a lisensiya nga agmaneho.
