Pimmusay bayat a maag-agasan ti ospital ti maysa nga menor de edad kalpasan a mairaman ti aksidente iti paset ti Tubao-Aringay Road iti Baranbay Garcia idiay Tubao, La Union.
Nabigbig iti natay a biktima a ni John Carlo Romero, 15, residente iti Barangay Halog East.
Segun kenni Police Chief Insp. Daniel Banan agpada nga agturturong ti amianan a direksyon ti motorsiklo a nagluganan ti biktma ken ti motorsiklo a nagluganan ni Joefrey Ignacio 17 a kadua dagiti backride dagitoy.
Naamuan nga immuna a linikikkan ni Ignacio ti backhoe nga adda iti igid ti kalsada ngem imbaw-ing na daytoy a rason ti pannakaidungparan na ti waiting shed kasta met laeng ti inaramid iti simmaruno a ni Romero ngem nagresulta daytoy iti panagdinnungparda ti wagon a minaneho ni Mark Mapolo, 36, ti Tuba, Benguet.
Kabayatan na, agtaltalinaed a maag-agasan iti La Union Medical Center dagiti dadduma nga indibidual para iti naan-anay a pannakaagas dagitoy.
