Napaay ti Philippine Men’s Football Team a makualipikado para ti 2027 AFC Asian Cup.
Daytoy ket gapu ta nagpatingga ti labanda iti Tajikistan iti 1-1 draw iti naudi a labanda iti qualifiers.
Napaay ti Pilipinas a makagun-od iti agingga tallo a puntos tapno makastrekda iti AFC Asian Cup.
Immuna a nakailista ti goal iti pagilian babaen kenni Raphael Obermair iti maika-19 a minuto ti ay-ayam, ngem kalpasan ti 40 a minuto, naitabla daytoy ni Sheriddin Boboev ti Tajikistan.
Agingga iti panagleppas ti ay-ayam, pinadas ti bunggoy a mangabak ngem nagbalin a nairot iti depensa ti Tajikistan.
Ti laeng top team iti tunggal grupo ti makaabante iti Asian Cup.
Maipalagip a nangisayangkat ti lima nga aldaw a panagensayo iti football team ti pagilian idiay Turkey sakbay ti panagsabakda iti laban.###
