BR LA UNION – Nagpanawagan ni President Ferdinand Marcos Jr. kadagiti Pilipino nga agsapol ti inspirasyon iti kina-imbag ken kinatibker nga impakita ti pada a tao iti sango dagiti pannubok idi 2024.
Daytoy met laeng ti balunen iti panagserrek ti pagilian iti tawen 2025.
Iti mensahe ni Presidente Marcos, impaganetget na iti kinapateg ti impamatmat a pigsa dagiti Pilipino a nangsango dagiti kalamidad ken dadduma pay a karit a nakaapektar iti biag idi napalabas a tawen.
Rumbeng kunana a makita kas simbolo a ti panagkaykaysa ken panaganus ket isuti nangted-dalan iti panagdur-as.
Inallokoy na dagiti Pilipino a mangala ti inspirasyon manipud kadagiti naipamatmat a tured, kina-pakumbaba ken panagtitinnulong a nakita iti panawen ti rigat ken kalamidad.
Innayon pay ti Presidente, a babaen ti napagtipon a pigsa, mabalin a buklen dagiti Pilipino iti napukaw ken matungpal ti arapaap ti maysa a Bagong Pilipinas, a dagiti arapa-ap ket tumpuar ken tunggal Pilipino ket dumur-as.
Dinakamat na a ti baro a tawen ket mangipaay ti gundaway tapno panunuten ken amirisen dagiti napidot nga adal ken iyaplikar dagitoy para iti bukod a panagdur-as.
