LA UNION – Iti pagbaludan ti nagtungpalan iti maysa a merchandiser kalpasan a maaktuan dagiti otoridad nga iligal a droga iti ilaklako daytoy.
Iti insayangkat a buy bust operation ti Rosario Police Station kadwa da iti PDEA Region One idiay Barangay Subusub, Rosario, La Union, nagpositibo iti droga ti suspek a nabigbig a ni Aladin Castillo, 28, baro, merchandiser ti Friendship Supermarket ken residente ti Barangay Alipang ti nasao met laeng nga ili.
Nakumpiskar manipud iti suspek iti ginandat na nga ilako a (1) heat sealed plastic sachet ti maipagarop a marijuana leaves with fruiting tops ken maysa a kaha ti sigarilyo a naglaun ti (6) sticks iti maatap a dried marijuana leaves, ken P100 a nagserbi kas buy bust money.
Iti suspek nga ibilbilang ti pulisiya kas Newly Identified Drug Personality ket sumangsango ita iti kaso a panaglabsing iti R.A. 9165