LA UNION – Temporaryo a mairikep inton malem iti wet market ti merkado publiko ditoy syudad ti San Fernando.
Daytoy ket tapno ipaayan dalan iti panangisayangkat dagiti otoridad wenno maseknan, iti disinfection wenno pannaka-spray ti kemikal iti amin a paset ti wet market, kas paset iti addang tapno malabanan ti panagwaras ti COVID 10.
Kinumpirma iti Bombo Radyo La Union ni Jun Munar, Vice-President iti BSVO Vendors Association ditoy syudad, nga alas 2:00 inton malem ket mairikep ti wet market.
Gaputi dayta, binalakadan na dagiti consumers wenno aggat-gatang iti merkado publiko nga ag-tiyenda iti bigat.
Nupay kasta, agsubli met laeng iti normal nga operasyon inton bigat, aldaw ti Martes.
Kabayatanna, aminado ni Rosenda Paras, maysa a fish vendor nga apektado ti panaglako da, gapwanan ti COVID 19 scare.
