LA UNION – Dimmapo iti intero nga auxillary wet market ti siyudad ti San Fernando, La Union.
Maibasar iti nakalap nga impormasyon ti Bombo Radyo La Union, agarop ala 1:00 itay parbangon a nangrugi ti uram, a mapapati a nagtaud iti dry goods stall partikular iti abagatan a paset ti merkado publiko.
Agingga ita ket maipagarop a saan pay a naideklara a fire out, agsipudta agtultuloy iti panagsebseb dagiti nagresponde a bombero.
Gaputi insidente, namnamaen a minilyon a kantidad iti nagbalin a danyos gaputi pannaka-uram dagiti puwesto ken tagilako.
Awan met iti nailista a nadangran iti nasao nga insidente.
Madama iti imbestigasyon dagiti otoridad tapno amwen nu kasatnu a timpuar ti uram.
