LA UNION – Addaan iti isagsaganan a guidelines ti lokal a gobyerno ti San Juan, La Union para iti pannakaipasidong ti nasao nga ili iti modified general community quarantine (MGCQ).
Base iti nabukel a guidelines, mabalinen a rummuar amin a residente idiay San Juan ngem limitado pay laeng iti garaw wenno aktibidad.
Nakalanad ti nasao a pagganurutan a maipalubos dagiti outdoor activities ngem kasalupan nga agsuot iti facemask.
Mabalin metten iti agturong iti surfing capital of the north, wenno maaddaan ti mass gatherning basta suruten iti social distancing.
Mapalubusan met nga agbiyahe iti 50 percent a bilang dagiti pampasada a traysikel ngem nasken a saggaysa laeng ti pasahero.
Maipatungpal met iti curfew hour idiay San Juan manipud iti alas-10 ti rabii agingga iti alas-5 ti bigat.
No pay nakasaganan ti nabukel a guidelines ket ti laengen panangpabor wenno pirma ni Mayor Arthuro Valdriz ti kasapulan tapno maipatungpalen daytoy epektibo inton Hunyo 1.
