BR LA UNION – Nangrugin a maipa-deport dagiti nakadetine a migrants manipud Amerika, babaen iti panangilugan iti US military C-17 aircraft maiyannurot iti bilin ni US President Donald Trump ita nga aldaw ti Biyernes, oras idiay Amerika.
Sag-80 migrants ti naglugan iti 2 nga US military aircraft ken naiturong da idiay Guatemala segun iti maysa nga US official.
Inwaragawag met ti US State Department a committed iti Guatemala ken US a maisardengen iti illegal migration ken papigsaen ti border security.
Kadagiti naglabas a gundaway, nausar met laeng tii nasao nga US military aircraft iti panang-relocate kadagiti indibidwal manipud iti maysa a pagilian agturong iti sabali a nasyon, kas idi nag-withdraw ti US idiay Afghanistan idi 2021.
Daytoy iti umuna a gundaway a nausar iti US military aircraft iti panagpatulod ti migrants a rumwar idiay US.
Maipalagip nga iti umuna nga aldaw pay laeng a panagtugaw ni Trump iti pwesto, indeklara na iti illegal immigration kas national emergency ken nabilin iti US military a nayunan iti border security, panag-isyu ti nalawa a ban wenno panangipawil iti panangipaay ti asylum ken restriksiyon iti citizenship dagiti ubbing a naipasngay idiay Amerika.
