LA UNION – Aganay 230 a pamilya idiay Barangay Tubaday, Santol, La Union iti nabenipisyaran iti food packs a naggapu iti NGOs ken naibunong babaen iti tulong ti militar ken lokal a gobyerno.
Daytoy iti impormasyon a naawat ti Bombo Radyo La Union babaen kenni Cpt. Brian Malinao iti Civil Military Operations (CMO) ti 81st Infantry Battalion, PA.
Kinuna na a maysa daytoy nga outreach program ket naisayangkat babaen iti inisyatibo ti maysa nga NGO.
Malaksid iti assorted food packs, nangipaay met iti serbisyo ti militar kas koma iti libre a panagpukis kadagiti residente sadiay.
Dackel met iti panagyaman dagiti bumarangay nga isuda iti maysa kadagiti napili nga ipaayan ti tulong iti kangitingitan ti covid 19 pandemic.
Ti Barangay Tubaday ket maysa kadagiti kasusulinekan a lugar a sakop ti ili a Santol.
