Tarigagay ita ti maysa a senador a maipababa iti 10-anyos manipud iti agdama a 15-anyos ti minimum age a mailaksid ti criminal liability.
Daitoy ti nilaon ti singasing a gakat nga impila ni Senador Robinhood Padilla a panggep nga amyendaran ti Juvenile Justice and Welfare Act wenno Republic Act 9344 gapo iti agtultuloy a panagngato dagiti youth offenders ditoy pagilian.
Nakailanad iti singasing a dagiti ubbing nga agtawen iti sangapulo agingga 18-anyos a nakaaramid ti krimen ken agur-uray ti desisyon ti korte ket maipasidong ti youth rehabilitation center wenno Bahay-Pag-asa ken mailaksid laeng ti criminal liability nu mapaneknekan ti korte nga adda iti discernment wenno maaw-awatan da iti kinadagsen ti krimen a naaramid da.
Nupay kasta, dagiti met agtutubo a nasursurok pay ngem sangapulo agingga 18-anyos a nakaaramid ti nakaam-ames a krimen ket saan a mailaksid iti criminal liability partikular kadagiti kaso a parricide, murder, infanticide, kidnapping, arson, illegal drug case, serious illegal detention, ken carnapping nga adda iti pinatay wenno nirames da.
Kadagiti met non-heinous crimes ket mai-dismiss dagiti kaso da ken mai-refer ti ubing iti local social welfare and development officer nga isu met iti mangilasin nu rumbeng da a maisubli kadagiti nagannak da wenno kasapulan da iti intervention program.
