Nakita ti Philippine Institute of Volcanology and Seismology (PHIVOLCS) ita a Sabado, Mayo 16, ti maysa a minor phreatic eruption ti Taal Volcano pasado alas-12:16 itay parbangon.
Dimmanon ti 300 metro iti kangato ti plume a nangigubuay ti minor eruption maibasar iti ala dagiti sped-up thermal camera iti Main Crater.
Kabayatanna, agtaltalinaed a naka-Alert Level 1 ti Bulkang Taal isu a nainget latta a maiparit ti panagserrek iti Taal Volcano Island wenno agyan iti lawa daytoy, kasta met ti panagtayab iti aniaman nga aircraft asideg iti tuktok ti bulkan.
