Inyallukoy ni House Deputy Minority Leader Perci Cendaña iti Department of Justice a rugianen iti kabiitan a panawen ti extradition ni Kingdom of Jesus Christ Founder Apollo Quiboloy kasta met iti panagkiddaw kadagiti korte a resolbaren dagiti kaso kontra kenkuana.
Segun kenni Cendaña, nasken a pagsungbatan ni Quiboloy dagiti reklamo ti human trafficking, sexual exploitation, ken panangabuso kadagiti menor de edad a saan a basta laeng a simple a misconduct gapo iti kabaelan, bileg, ken impluwensya nga adda iti pastor.
Impunto ti kongresista nga uray adda iti uneg ti pagbaludan ket nalawa latta iti kontrol ni Quibiloy iti relihiyon na ken ti politika ditoy pagilian, banag a mangpakpakapsot iti imbestigasyon ken mangigubgubuay ti peggad kadagiti testigo.
Impaganetget ni Cendaña a kadagiti panagdengngeg ti Senado ket nangngegan dagiti makapadanag a testimonya a mangidiin kadagiti akusasyon ti panagabuso, exploitation, ken panagkukunsabo iti uneg ti organisasyon ni Quiboloy.
Imabatad na a sadinoman ket awan ti nagpaam-ammo kas anak ti Diyos iti nakangatngato ngem iti linteg nangruna nu isuna ket maak-akusaran kadagiti krimen nga adda pakainaigan na iti pangabuso kadagiti ubbing.
