LA UNION – Napalalo iti panagyaman ti maysa a misis a PWD iti Bombo Radyo agsipudta agsasaruno a gracia iti maaw-awat itan ti pamilya na, manipud kadagiti tattao a natukay ti puso ken rikna da iti istorya daytoy,a pannakaibaabawi iti cash aid ti SAP a naawat dagitoy.
Nag-viral ngamin iti video na iti facebook page ti BR-La Union ken immani iti ribu-ribu a likes, komento, ken shares, iti nagbalin nga intervierw ti Bombo Radyo kenni Maryjane Fradejas ti San Agustin East, Agoo, La Union.
Maipalagip a nagbalin nga emosyunal ni Maryjane gapu iti pannakaibabawi ti naawat da nga agassawa a kuwarta manipud SAP idinto a saan da a miyembro ti 4Ps.
Naamwan a ti asawa na a ni Carlos Gapuz ket maysa a poultry worker idiay ili ti Agoo.
Kabayatanna, maysa nga avid listener ken follower ti Bombo Radyo La Union a ni Fred Alejo ti San Juan, La Union iti personal pay a nagturong idiay ili ti Agoo tapno idanon ti tulong na iti pamilya ni Maryjane.
Nadanun ti Bombo Radyo Newsteam ni Mr. Alejo iti balay mismo da Maryjane tapno ited ti maysa a sako ti bagas, goods, ken kuwarta.
Kinuna iti Bombo Radyo ni Mr. Alejo a saan isuna a nabaknang a tao ngem ammo ken marikna na iti napadasan a sakit ken rigat ni Maryjane isunga kayat na a tulongan daytoy iti uray simple a wagas.
