LA UNION – Nagpakamatay iti maysa a misis gaputi nakaru a depresyon kalpasan iti maipagarop a panagsinada kenni mister na.
Nasarakan a natay ni Claribel Sasis, 46-anyos, maysa a negosyante, agarop alas 8:40 ti bigat idiay Barangay Poblacion West, Rosario, La Union.
Maibasar iti report ti Rosario Police Station, nagturong iti store ti biktima, ti managan Steven Pangan, 23 anyos, truck helper, nobyo ti anak ti biktima ngem nakita na laengen a nakabitin daytoy iti bobida ti store babaen ti inusar na a tali.
Dagus a dimmawat ti tulong kadagiti kaarruba ni Pangan tapno maiturong ti biktima idiay Rosario District Hospital ngem naideklara a dead on arrival babaen ti attending physician a ni Dr. Ryan Difonturom .
Naamwan a sakbay ti insidente, naistorya ti biktima iti kabsat na a kayat na a gibusan ti biag na gapu ti paspasaren na a problema seknan iti panagsina da kenni mister.
Sipud pimmanaw ti mister na iti balay da a nagawid idiay Cebu, nagbalinen nga aburido ken saanen a matag-tagari gaputi nakaru a depresyon.
Kabayatanna, nagkedked ti pamilya ti biktima nga ipasidong iti autopsiya ti bagi daytoy agsipudta pattien da nga awan ti napasamak a foul play.
