LA UNION – Iti kaunaan a gundaway iti pakasaritaan ti Miss Universe, naaramid ditoy Pilipinas iti baro a crown a mai-korona iti mangabak ti Miss Universe 2024.
Iti baro a korona ket maawagan ti “Lumière de l’Infini” (Light of Infinity) a pinartuat dagiti Filipino craftsmen manipud International luxury jewelry company a Jewelmer a nakabase ditoy Pilipinas.
Naaramid ti korona iti rare golden south sea pearls manipud kabaybayan idiay Palawan.
Agbalor ti nasao a korona ti aganay US$5 million.
Daytoy iti maika-13 a crown a mausar iti Miss Universe pageant.
Idi kalman, Nobiyembre 14, oras ditoy Pilipinas, opisyal a naisapubliko iti baro a Miss Universe crown iti maysa isa nga event idiay Mexico city, Mexico a pakaisayangkatan ti 73rd Miss Universe pageant.
Pagi-innagawan iti nasurok 120 a kandidata manipud naduma-duma a pagilian, a pakaibilangan iti pambato ti Pilipinas a ni Chelsea Manalo, iti nasao a Filipino-made crown.
Kabayatanna, simmangpeten idiay Mexico idi kalman ni Miss Universe 2018 Catriona Gray nga agserbi a backstage host para iti mapad-padaanan a coronation night inton Domingo, Nobiyembre 17, oras ditoy Pilipinas.
